2022ko Ohiko Batzar Orokorra
2022 Apirila 2 Elkartea
2022ko Ohiko Batzar Orokorrerako deia luzatzen dizuegu, aurtengoan Zuzendaritza Batzordeko kide berriak hauta daitezkeela gogoratuz. Batzarra 2022ko apirilaren 2an egingo da, larunbatarekin, Bilbon, IBAIONDOko Barrutiko Udaltegian (La Bolsa eraikinean) Pelota Kalea, 10. Batzar Orokorra goizeko 10:30ean lehen deialdian eta 11:00etan bigarrenean hasiko da.
Bazkideen bazkaria
2022 Martxoa 28 Elkartea
Zer edo zer egin behar duzu Apirilaren 2an eguerdi partean? Gurekin hitz egin nahi? Kontuan hartuta Bilboko 7 Kaleetan egongo garela... Zatoz gurekin bazkaltzera! Ohitura onak berreskuratuz, 2022ko Ohiko Batzar Orokorraren ostean bazkaria egingo dugu.
"Sareko liburutegiak Garapen Jasangarrirako Helburuekin bat" jardunaldia antolatu dugu Euskadiko Liburutegi Zerbitzuarekin batera
2022 Martxoa 16 Liburutegia
Garapen Jasangarrirako 2030 Agenda (GJH30) ekintza-plan unibertsalarekin bat eginez, bertan aipatzen diren garapenerako faktoreetako bat informazioa eskuratzea dela aintzat hartuta, Euskadiko Liburutegi Zerbitzuak, ALDEE elkartearekin elkarlanean, jardunaldi profesionala antolatu du, martxoaren 16rako Euskadiko Artxibo Historikoan: "Sareko Liburutegiak Garapen Jasangarrirako Helburuekin bat".
"Katalogatzeko oinarrizko terminologia" Euskalterm-en
2022 Martxoa 7 Liburutegia
Bere garaian Joana Albret Bibliotekonomia Mintegiak prestatu zuen "Katalogatzeko oinarrizko terminologia" Euskalterm-en dago kontsultagarri IZOk berriki egin duen lanari esker.
Gehiago irakurri: "Katalogatzeko oinarrizko terminologia" Euskalterm-en
Medialab Tabakalerako arduradun Arantza Mariskali egindako elkarrizketa
2022 Otsaila 25
Laster elkartuko gara aurrez aurre Arantza Mariskalekin, Medialab Tabakalerako arduradunak "Eginzaleak liburutegian" ikastaroa emango baitu martxoaren 17an eta 18an Medialaben bertan, ALDEEk antolatuta. Garaiekin batera, liburutegien esparruko kontzeptuak eta egiteko moduak aldatzen ari direla ohartuta, horra ere bideratu nahi izan dugu gure begirada ikastaro hau antolatzearekin batera. Baina aurretik, medialab kontzeptuaz eta liburutegi kontzeptu berriez gehiago jakin nahian, Cervantes Institutuak Mariskali egindako elkarrizketa hau partekatu nahi dugu zurekin.
Gehiago irakurri: Medialab Tabakalerako arduradun Arantza Mariskali egindako elkarrizketa
GALDE Gipuzkoako Artxibozain, Liburuzain eta Dokumentazio-guneen Enpresaburuen elkartea
2022 Otsaila 15 Enpresa
Gipuzkoako hainbat enpresa batu eta enpresa-buruen elkartea sortu dute: GALDE, Gipuzkoako Artxibozain, Liburuzain eta Dokumentazio-guneen Enpresaburuen elkartea, hain zuzen ere. Bertako kide den David Zapirainek neguko berri-papererako idatzitako artikulua ekarri dugu webgunera.
ALDEE, 30 urte informazio-kudeatzaileen alde
2022 Otsaila 14
Bideo honetan, elkarteko lehen kideak eta gaur egungoak bildu ditugu, hiru hamarkadetako ibilbidearen lehen urratsak gogoratzeko eta gaur egun duten garrantzia nabarmentzeko.
Gehiago irakurri: ALDEE, 30 urte informazio-kudeatzaileen alde
Erakusleiho kulturalei buruzko ikastarorako izen-ematea itxita
2022 Otsaila 13 Artxiboa | Dokumentazio zentroa | Liburutegia
Ikastaro honek izan duen harrera ikusita, iragarri eta hiru egunetara izen-ematea itxi behar izan dugu. Espero baino jende gehiagok eman du izena eta bi saiotan banatzea erabaki dugu: otsailaren 17an izango da lehenengoa eta 24an biharrena; biak ostegunez, 09:30etik 13:30era. Banaketa izen-emate ordenaren arabera egin dugu eta bigarren saioan daudenek jakinarazpena jaso dute.
Gehiago irakurri: Erakusleiho kulturalei buruzko ikastarorako izen-ematea itxita
Zuzendaritza batzorde berria osatzeko behar zaitugu
2022 Otsaila 4 Elkartea
2019ko martxoaren 23an abiatu zen legegintzaldiak aurrera darrai. Nahiz eta, ohi bezala, iaz kide berriak sartzeko aukera eskaini, Zuzendaritza Batzordeak ez zuen aldaketarik izan 2021ean. Aurten, 2022tik 2024ra bitarteko legegintzaldirako batzorde berria eratze aldera, honetan parte izateko aukera duzue bazkideek.
Gehiago irakurri: Zuzendaritza batzorde berria osatzeko behar zaitugu
2022ko lehen ikastaroak
2022 Urtarrila 4
Urte berria hainbat ikastaroren eskaintzarekin hasi nahi dugu, laster gehiago ere izango ditugu. Zabaldu 2022ko agenda eta gustuko dituzunen zerrenda osatzen has zaitezke.