ONLINE ikastaroetarako lehen jauzia eman dugu
2021 Maiatza 13 Liburutegia
ALDEE elkarteak aurrez aurreko ikastaro eta jardunaldien alde egin ohi du bere formazio-eskaintzetan. Baina bizi dugun errealitateak eraginda eta teknologiek izan duten bilakaera baliatuta, online plataforma bat sortzea erabaki dugu, zenbait ikastaro modalitate horretan eman ahal izateko. Hain zuzen, maiatzaren 31n estreinatuko dugu plataforma hori online eskainiko dugun "Adinekoentzako liburutegi-zerbitzuak antolatzea eta ematea" ikastaroarekin.
Gehiago irakurri: ONLINE ikastaroetarako lehen jauzia eman dugu
Katalogazioan gehiago sakontzeko ikastaroa eskainiko dugu maiatzean
2021 Maiatza 12 Liburutegia
Euskadiko Irakurketa Publikoko Sarearen jarraibideen arabera, inprimaki modernoen katalogazioan sakontzeko ikastaroa izango da. Aurten Estibalitz Zubiaur adituak emango ditu saioak modu presentzialean ARTIUMen, Arte Garaikidearen Euskal Zentro-Museoan, Vitoria-Gasteizen, eta euskaraz izango da ikastaroa.
Gehiago irakurri: Katalogazioan gehiago sakontzeko ikastaroa eskainiko dugu maiatzean
JEID21 jardunaldien izen-ematean deskontua ALDEEKo bazkideei
2021 Martxoa 28 Dokumentazio zentroa | Liburutegia
JEIDak zinez jardunaldi interesgarriak izan ohi dira eta aurten, gainera, ALDEEko bazkideek deskontua izango dute elkartearen bidez izena emanez gero. Animatu eta parte hartu!!
Gehiago irakurri: JEID21 jardunaldien izen-ematean deskontua ALDEEKo bazkideei
Ohiko Batzar Orokorra 2021
2021 Martxoa 27 Elkartea
ALDEEren Ohiko Batzar Orokorra martxoaren 27an izango da, 11:00etan lehen deialdian, eta 11:30ean bigarrenez.
ALDEEk lan-taldea eratu nahi du Euskadiko Liburutegien Legea gauza dadin bermatzeko
2021 Martxoa 7 Liburutegia
Legea argitaratu zenetik ia 14 urte igaro diren arren, legeak aipatzen duen erregelamendurik gabe jarraitzen dugu. Horrek eragotzi egiten du lege-oinarri bat izatea liburutegi-sareko langileak kategoria jakin batean kokatzea eskatzeko orduan. ALDEEk uste du prozesu hau bizkortzeko modu bakarra araudiaren zirriborroa idaztea eta Kontseiluari modu formalean aurkeztea dela. Horretarako lan-talde bat eratzea proposatzen du.
Koadernazio ikastaro batekin hasiko dugu 2021eko formazio eskaintza
2021 Martxoa 5 Elkartea
Gure lanbideetan, liburuak eta dokumentuak hainbeste erabiltzen direnean, bizkar edo orriak askatu egiten dira, eta garrantzitsua da lehen esku-hartzea ezagutza jakin batzuekin egitea. Horretara dator ikastaro hau: "Liburuak eta dokumentuak zaharberritzea eta kontserbatzea". Lanbide honetan eskarmentu handiko adituak emango du ikastaroa, Helena Jimenez de Aberasturik.
Gehiago irakurri: Koadernazio ikastaro batekin hasiko dugu 2021eko formazio eskaintza
Martxotik ekainera hainbat ikastaro eskainiko ditugu
2021 Otsaila 10 Beste
Liburuen eta dokumentuen kontserbazioa, katalogazioa, wikipedia, helduentzako baliabideak liburutegietan... denetarik izango dugu martxotik ekainera EAEko hiru lurraldeetan egingo ditugun ikastaroetan. Adi! Izen-emate epeak zabaltzen hasi gara dagoeneko.
Gehiago irakurri: Martxotik ekainera hainbat ikastaro eskainiko ditugu
Belén Castelló, liburuzain txertatuaren kasu eredugarria
2021 Urtarrila 22 Dokumentazio zentroa | Liburutegia
Belén Castelló liburuzaina eta dokumentalista da Eusko Jaurlaritzako Osasun Sailean, zehazki Bizkaiko Ordezkaritzan. Filologia ikasi zuen eta Hizkuntza eta Literaturako irakasle gisa hasi zuen bere lan-bizitza, baina laster liluratu zen liburutegien munduarekin. Katalogatzaile eta liburutegi publikoetan lan egin ondoren, liburutegi espezializatuen munduan hasi zen lanean, eta 20 urte baino gehiago daramatza bertan.
Gehiago irakurri: Belén Castelló, liburuzain txertatuaren kasu eredugarria
Abian da libruzainei zuzendutako #1Lib1Ref ekimena
2021 Urtarrila 15 Liburutegia
Urtarrilaren 15etik otsailaren 5era egingo da aurten #1Lib1Ref kanpainaren lehen saioa. Kanpaina honek, urtean bitan, Wikipediako artikuluei falta zaizkien erreferentziak gehitzera gonbidatzen ditu mundu osoko liburuzainak, baita ezagutza askerako grina duen edonor ere.
Gehiago irakurri: Abian da libruzainei zuzendutako #1Lib1Ref ekimena
EIPSko langileen egoera: zer dakigu?
2021 Urtarrila 10 Liburutegia
2020ko otsailean, Euskadiko Irakurketa Publikoko Sarearen "uneko argazki" bat osatze aldera, liburutegi publikoetako profesional guztiengana jo genuen, inprimaki baten bidez beren liburutegien kudeaketari (administrazioa, enpresa publikoa, enpresa pribatua) eta haien lan-baldintzei (kategoria, soldata-maila, lan-hitzarmena, lanaldia) buruzko informazioa emateko. Gure ustez, bildutako informazioari esker, gure lurraldeko liburutegien eta profesionalen egoerari buruzko ikuspegia hobetu ahal izango da, eta lanbidea defendatzeko politika artikulatu ahal izango da.