Agurra

ALDEE Euskal Autonomia Erkidegoaren eremuko elkarte profesionala da, 1990ean sortua, eta artxiboen, liburutegien eta dokumentazio eta informazio zentroen kudeaketaz arduratzen diren edo hauetan interesa duten profesionalak taldekatzea du helburu. Ibiliz bidea egiten delako uste sendoarekin, Elkarteak bere gain hartzen duen erronka etengabe aldatzen ari den sektore baten behar berrietara egokitzea da. Etapa berri honetan, iragana ospatzen dugu, Elkarteak bete dituen 30 urteekin; egungo aldaketak onartzen ditugu, zuzendaritza-taldeak egiten duen ahaleginarekin, eta etorkizunari begira jartzen gara, non lan-bideak zabaltzen saiatuko garen, proiektuari eusten lagunduko dugun, erronka eta itxaropen berriak gure gain hartuko ditugun, ahal den neurrian sektorea hobetzeko.