ALDEE BAMAD Galiziak antolatutako Jardunaldietan izan da
- Mota
- Gertakariak. Jardunaldi eta Topaketak
- Data
- 2026 Iraila 26
Galiziako BAMAD elkarteak Ferrolen egindako "Días de labor. A memoria do traballo e a súa pegada na sociedade e o territorio" izeneko jardunaldietan izan dira ALDEEko kideak.
Irailaren 25ean eta 26an egin dira BAMAD Galiziak antolatutako jardunaldiak eta bertan, Ferrolen, izan dira ALDEEko Zuzendaritza Batzordeko kideak. "Lan-egunak: Lanaren memoria eta gizartean eta lurraldean duen arrastoa" goiburuarekin egin dituzten jardunaldietan.
Jardunaldien helburua lanaren memoriara hurbiltzea izan da, bai ikerketaren ikuspegitik (historikoa, antropologikoa, ekonomikoa, soziologikoa…), bai memoriaren zentroetan (artxiboak, liburutegiak, museoak eta dokumentazio-zentroak) gordetzen dituzten eta jarduera zientifikoa elikatzen duten testigantza materialen ikuspegitik, izan ere, antolatzaileek ondo azpimarratu duten bezala, memoria hori ezin da eraiki bizitza ematen dion gizartetik kanpo.