Egin zaitez bazkide!

ALDEEk zure garapen profesionalean bidelagun izaten jarraitu nahi du, 1990ean sortu zeneko helburu nagusiari tinko eutsiz. Artxibo, liburutegi eta dokumentazio zentroetako ehunka profesionalek osatzen dugun komunitatea indartu nahi dugu, elkarreraginetik guztion helburuak sendotzen direla ondo dakigulako eta gure lan esparruan langile ez ezik, eragile ere izan nahi dugulako.

Komunitate profesional honetan guztion ekarpenak, kezkak, galderak eta eskaerak jaso nahi ditugu eta hortik abiatuta elkartegintza indartu, lanbidearen eta profesional guztion mesedetan izango dela jakitun.

Horretarako, elkartegintzan aurrera egin ahal izateko, guztion babesa beharko dugu eta gutun horretan ALDEE elkarteko kide egiteko gonbitea jasoko duzu. Litekeena da zu dagoeneko bazkide izatea, eta, hala bada, zorionak eta eskerrik asko. Baina ziur gaude, inguruan izango dituzula elkartea ezagutzen ez duten lankideak edo oraindik bazkide egitera animatu ez direnak. Bada, hauxe da unea gonbidapen zuzena egiteko.

Izan ere, ALDEEk zure garapen profesionalean bidelagun izaten jarraitu nahi du, 1990ean sortu zeneko helburu nagusiari tinko eutsiz.

Artxibo, liburutegi eta dokumentazio zentroetako ehunka profesionalek osatzen dugun komunitatea indartu nahi dugu, elkarreraginetik guztion helburuak sendotzen direla ondo dakigulako eta, gure lan esparruan langile, ez ezik, eragile ere izan nahi dugulako.

Hemendik aurrera bidelagun izango zaitugulakoan,

Mila esker zure babesagatik.

ZERGATIK EGIN BAZKIDE?

• Ikastaro eta jardueratan deskontuak izateko.
• Lan eskaintzen berri beste inork baino lehenago jasotzeko.
• Zure lan arloko azken berrikuntzen berri izateko eta gainerako profesionalekin harremanetan jartzeko.
• Zure interes eta eskubide profesionalak defendatuko dituen elkartea babesteko.
• Solasaldi, jardunaldi eta bisita ezberdinetan parte hartu ahal izateko.

BAZKIDE IZAN ZAITEZKE

• Idatziz eskatzen duten pertsona guztiak betiere Elkartearen Estatutuetako 29. artikulua betetzen badute.
• Bibliotekonomiari eta Dokumentazioari profesionalki lotuta dauden edo interesa duten enpresak edo erakundeak, publikoak zein pribatuak, edo langile taldean arloko profesionalak dituztenak edo behar dituztenak.  

URTEKO KUOTA

• Banakakoa, lanean: 69,00 € 
• Banakakoa erretiratua: 0,00 €
• Erakunde kidea: 200,00 €

Langabeek eta ikasleek EZ dute kuotarik ordainduko, eskatutako ziurtagiria aurkezten badute.