Informazio eta Dokumentazio Kudeatzaileen XI. Bilkura
- Mota
- Gertakariak. Jardunaldi eta Topaketak
- Data
- 2025 Ekaina 3
Hamaikagarren aldiz antolatuko dugu Informazio eta Dokumentazio Kudeatzaileen Bilkura Udako Euskal Unibertsitatearekin elkarlanean. XI. jardunaldiko gaia honakoa izango da: "Euskal Liburutegi Nazioanala: iragana, oraina eta geroa". Uztailaren 3an izango da, Eibarko Markeskoa Jauregian
Euskararen lurraldeak ez du euskal liburutegirik, euskal kulturaren iragana eta geroa fisikoki jaso eta gordetzen duen egiturarik.
Estatu espainiarreko liburutegi-sistema autonomikoen eraketarekin batera, liburutegi zentralak sortuz joan ziren, liburutegi nazionalen antzera, memoriaren eta identitatearen zaindariak. Gurean ez, ordea. Zergatik? Noizean behin ahots bat altxatzen da egiteke dagoen lana gogorarazteko. Gizarteak ez daki zergatik, eta guk, ba al dakigu? Horretaz guztiaz libreki hitz egin nahi dugu.
2007an onartu zen Euskadiko Liburutegien legeak Euskadiko Liburutegiaren figura jasotzen badu ere, oraindik ez da legean jasotakoa gauzatu eta mahai gainean jarri nahi dugu gaia.
HELBURUAK
Euskal liburutegi nazionalaren gaia berriro plazaratu nahi da. 2007an onartu zen Euskadiko Liburutegien legeak Euskadiko Liburutegiaren figura jasotzen badu ere, oraindik ez da legean jasotakoa gauzatu.
- Azken hamarkadetan liburutegi nazionala sortzearen alde egindako aldarrikapen eta ahaleginak ezagutarazi.
- Egungo egoera eta ikuspegiak zeintzuk diren argitu, lurraldetasuna eta erakundeen arteko lankidetza kontutan hartuz.
- Gerora begirako pausoak zeintzuk izan daitezken hausnartu.
Nori zuzendua: Informazio eta dokumentazioaren arloko profesionalak, euskalgintza eta kultura-munduko agenteak.
**BAZKARIA: ohi bezala, jardunaldian elkarrekin bazkaltzeko aukera egongo da. Matrikula egiterakoan eman izena (ezinbestekoa izango da aurretik izen ematea).