Urriaren 19an, %100 online izango den jardunaldi profesionala egingo dugu

Formazio eskaintza birtualerako lehen jauzia eman genuen maiatzean eta bigarren jauzia udazken honetan etorriko da, %100 online izango den gure lehen jardunaldiarekin: Administrazioak 203/2021 Errege Dekretuaren aurrean dituen erronkak eta eraldaketa digitala.

Bizi dugun pandemia egoerak urtebete baino gehiago dirauen arren, ALDEEk prestakuntza-jardueren eta jardunaldi profesionalen dinamikarekin aurrera egin nahi du, elkartearen zutabe garrantzitsuenetako bat bihurtu baitira. Beste zutabe nagusietako bat presentzialtasuna da, eta, zailtasunak zailtasun, hori bermatzen jarraitzen dugu gure prestakuntza-eskaintza gehienetan. Pixkanaka, ordea, Covid osteko agertoki berrira egokitzen ere ari gara, eta eraldaketa teknologikoak izan duen bizkortzeari esker, online ikastaroetarako plataforma digital bat sortu ahal izan dugu aurten.

Ildo horretan, bigarren jauzia udazken honetan etorriko da, %100 online izango den gure lehen jardunaldiarekin: Administrazioak 203/2021 Errege Dekretuaren aurrean dituen erronkak eta eraldaketa digitala.

Horretarako, arlo horretako lau profesional handi izango ditugu gure artean: Concepción Campos Acuña, Vigoko Udaleko idazkaria; Ignacio Alamillo Domingo, abokatua, sistemetan eta informazioaren segurtasunean espezializatutako aholkularia; Sonia Crespo Nogales, Las Rozas de Madrideko Kudeaketa Dokumentalaren eta Artxiboaren arduraduna eta Anna de la Fragua Cobo, artxibozaina eta Saint Feliu de Llobregateko Udaleko dokumentuak kudeatzeko sistema integralaren administratzailea.

Jardunaldia urriaren 19an, asteartean, izango da, eta zuzenean eskainiko da ALDEEren Youtubeko kanalean, goizeko 09:30etik aurrera. Jardunaldia doakoa izango da baina jarraitu ahal izateko aurrez izena eman beharko da.

Lau hitzaldi indibidual izango dira, administrazio elektronikoak toki-erakundeetan dituen erronkei hainbat ikuspegitatik heltzen dietenak: legala, teknologikoa eta artxibistikoa. Hitzaldi bakoitzaren ondoren, txat bidez egindako kontsultei erantzuteko txanda izango da:

• Concepción Campos Acuña: El futuro de las entidades locales y la administración electrónica en el marco jurídico del RD 203/2021: aspectos organizativos y de funcionamiento.
• Ignacio Alamillo Domingo: Políticas y prácticas necesarias para garantizar una identificación digital segura. La firma y el sello electrónico.
• Sonia Crespo Nogales: Cómo implantar una Política de Gestión Documental (PGD-e) en una entidad local, de manera que sea eficaz, práctica y útil para la organización.
• Anna de la Fragua Cobo: Los documentos electrónicos y los metadatos. La importancia de los metadatos para la gestión e interoperabilidad del documento electrónico.

Nori zuzendua: administrazio elektronikoarekin zerikusia duten profesional juridikoak, informatikoak eta dokumentalak, batez ere udal-administraziokoak.

Helburua: udaletako administrazio elektronikoaren diziplina anitzeko ikuspegia eskaintzea.

Non: ALDEEren youtube kanala.

Data: urriaren 19an.

Ordutegia: 09:30-14:00

Hizkuntza: gaztelania

Tarifa: doan, aurrez izena emanda

Izen-ematea: urriaren 10era arte.