Baliabide jarraituen katalogazioa
2022 Maiatza 4 - 2022 Maiatza 6 Ikastaroak
Egina
Katalogazioari dagokionez, gutxitan sakondu izan dugu baliabide jarraituen katalogazioan eta, ALDEEn uste dugu, benetan beharrezkoa dela lan hauetan ari diren profesionalek horren inguruko ezagutza izatea, batez ere, sarean lan egiten dutenen artean. Euskadiko Irakurketa Publikoko Sareko arauei jarraituz, baliabide jarraituak nola katalogatu behar diren ezagutzea izango da ikastaro honen helburu nagusia. Hori dela eta, EIPSeko liburutegietako profesionalentzat eta liburutegietan lan egiteko prestatzen ari direnentzat formazio-saio interesgarria izango da.
Eginzaleak liburutegian
2022 Martxoa 17 - 2022 Martxoa 18 Ikastaroak
Egina
Herritarren eta liburutegien arteko harremana aldatzen ari da. Isiltasun eta irakurketa zerbitzu/espaziotik haratago, era praktikoan gauzak ikasteko aukerak eskaintzen dituen zerbitzuak dira egun liburutegi asko. Elkar topatu eta elkarrekin egoteko lekua, proiektuak elkarrekin aurrera eramateko plaza, tresnak eta teknologiak erabiltzen ikasteko zerbitzuak… ere badira liburutegiak. Bainan hau nola pentsatu, landu eta antolatu daiteke? Zer behar da? Nola eraman dezaket aurrera? Modu ezberdinak egon badaude ere, Medialab Tabakaleraren ezagutza eta esperientzia azalduz liburutegi bakoitzak bere proiektua definitzeko lantegi praktikoa proposatzen dugu.
Erakusleiho kulturalen diseinua
2022 Otsaila 17 - 2022 Otsaila 17 Ikastaroak
Egina
Maiz ahazten dugu gure edukiak, gure funtsak, ez dituela beste inork ezagutzen guk baino hobe. Liburutegi, dokumentazio-zentro eta artxibo interesgarrienak ere nekez egingo zaizkio erakargarri erabiltzaileari, bertan eskuragarri duena ezagutzen ez badu, ikusten ez badu, bidea tentagarri egiten ez bazaio, ezustean harrapatzen ez badugu... Nola egin dezakegu hori? Bada, ate-atetik hasita, gure sarrerak erakusleiho bihurtuz. Nola egiten den hori? Bada, Meritxell Trullas aditu katalanak eskainiko digun lau orduko online ikastaro interesgarri honetan izena-eman eta bere aholkuak jarraituz. OHARRA: ikastaro honetako izen-emeta beteta dago.
Sailkapen Hamartar Unibertsala (SHU): deskribapena, egitura eta aplikazioa
2022 Otsaila 1 - 2022 Otsaila 3 Ikastaroak
Egina
2021ean izan zuen arrakasta ikusita, ikastaro hau berriro eskaintzea erabaki dugu. Ikastaro honen helburu nagusia ikasleei liburutegi batean egiten duten eguneroko lanean aplikatu ahal izango dituzten zenbait jarraibide ematea da, oinarri sendo eta funtsatu bat sortzeko, kasurik ohikoenetan Sailkapen Hamartar Unibertsala (SHU) behar bezala erabiltzea eta erregistro bibliografikoan behar bezala islatzea ahalbidetzeko.
Gehiago irakurri: Sailkapen Hamartar Unibertsala (SHU): deskribapena, egitura eta aplikazioa
Bukatzen ez den soka: haurtzaroa, literatura eta aukeraketa
2021 Azaroa 27 - 2021 Azaroa 27 Ikastaroak
Egina
Jarduera batzuetarako bilduma edo funts bat eraikitzeko orduan kontuan hartu beharreko irizpideei buruz hausnartzea liburuzainen praktikaren funtsezko alderdietako bat izan beharko litzateke. Egunerokotasunak erakusten digu kasu askotan hautaketa bat eraiki aurreko hausnarketa hori ez dela existitzen (askotan prestakuntza edo baliabide faltagatik), eta existitzea lortzen badu, beti alde batera uzten dituela irizpide literarioak edo estetikoak irizpide ekonomikoetan edo moraletan zentratzeko.
Gehiago irakurri: Bukatzen ez den soka: haurtzaroa, literatura eta aukeraketa
ALDEEren 30+1 urtemuga ekitaldirako izen-ematea
2021 Azaroa 20 - 2021 Azaroa 20 Hitzaldiak
Egina
Azaroaren 20an batuko gara Donostiako San Telmo Museoko ekitaldi-aretoan. Bertan, ALDEEk euskarara itzuli duen Robert J. Glushko-ren 'Antolatzearen diziplina' ('The discipline of organizing') liburuaren edukiaz eta gaiak eragindako hausnarketez ariko da Tomás Saorín, Murtziako Unibertsitateko Komunikazio eta Dokumentazio fakultateko irakaslea eta Dokumentazioan doktorea. Fernando Juarez izango du solaskide, Muskizko liburuzaina, ALDEEko presidentea eta liburu honen euskarazko itzulpenaren sustatzaile nagusia.
Gehiago irakurri: ALDEEren 30+1 urtemuga ekitaldirako izen-ematea
Sailkapen Hamartar Unibertsala (SHU): deskribapena, egitura eta aplikazioa
2021 Azaroa 15 - 2021 Azaroa 17 Ikastaroak
Egina
Ikastaro honen helburu nagusia ikasleei liburutegi batean egiten duten eguneroko lanean aplikatu ahal izango dituzten zenbait jarraibide ematea da, oinarri sendo eta funtsatu bat sortzeko, kasurik ohikoenetan Sailkapen Hamartar Unibertsala (SHU) behar bezala erabiltzea eta erregistro bibliografikoan behar bezala islatzea ahalbidetzeko.
Gehiago irakurri: Sailkapen Hamartar Unibertsala (SHU): deskribapena, egitura eta aplikazioa
3D inprimaketarako hastapenak
2021 Azaroa 9 - 2021 Azaroa 10 Ikastaroak
Bertan behera
Ikastaro hau liburutegietako profesionalentzako prestakuntza gisa planteatzen da, beren instalazioetan 3D inprimaketa-zerbitzua eskaini ahal izateko eskaintzaren zati gisa. 3D inprimaketa-teknologien eta haien oinarrizko funtzionalitate teknikoaren ikuspegi espezifikoa ematen saiatuko gara. Ikasleak 3d FDM inprimagailu bat mantendu eta erabili ahal izateko gaitasunak bereganatuko ditu, baita sor daitezkeen arazo errazak eta ohikoak konpontzeko gaitasuna ere.
Eginzaleak liburutegian
2021 Urria 29 - 2021 Urria 30 Ikastaroak
Bertan behera
Herritarren eta liburutegien arteko harremana aldatzen ari da. Isiltasun eta irakurketa zerbitzu/espaziotik haratago, era praktikoan gauzak ikasteko aukerak eskaintzen dituen zerbitzuak dira egun liburutegi asko. Elkar topatu eta elkarrekin egoteko lekua, proiektuak elkarrekin aurrera eramateko plaza, tresnak eta teknologiak erabiltzen ikasteko zerbitzuak… ere badira liburutegiak. Bainan hau nola pentsatu, landu eta antolatu daiteke? Zer behar da? Nola eraman dezaket aurrera? Modu ezberdinak egon badaude ere, Medialab Tabakaleraren ezagutza eta esperientzia azalduz liburutegi bakoitzak bere proiektua definitzeko lantegi praktikoa proposatzen dugu.
Administrazioen erronkak 203/2021 Errege Dekretuaren eta eraldaketa digitalaren aurrean
2021 Urria 19 - 2021 Urria 19 Jardunaldiak eta Topaketak
Egina
Urriaren 19an, %100 online izango den gure lehen jardunaldia eskainiko dugu. Horretarako, arlo horretako lau profesional handi izango ditugu gurekin: Concepción Campos Acuña, Vigoko Udaleko Idazkaria; Ignacio Alamillo Domingo, abokatua, sistemetan eta informazioaren segurtasunean espezializatutako aholkularia; Sonia Crespo Nogales, Las Rozas de Madrideko Kudeaketa Dokumentalaren eta Artxiboaren arduraduna eta Anna de la Fragua Cobo, artxibozaina eta Saint Feliu de Llobregateko Udaleko dokumentuak kudeatzeko sistema integralaren administratzailea.