Bisita profesionala: Arantzazuko Liburutegia

Programatua

Aurtengo hirugarren Bisita Profesionala Arantzazuko Liburutegira (Oñati) egingo dugu, urriaren 30ean. Gogoan izan bisita profesionalak doakoak direla baina ALDEEko bazkideentzat soilik antolatzen ditugula.

Helburuak

Urriaren 30ean, ostiralarekin, Arantzazuko Santutegiko Liburutegia bisitatzeko aukera izango dugu. Liburutegi eta Artxibo Frantziskotarra (LAF), Frantziskotarren komunitatearen zaintza, zabalkunde eta erreferentzia bibliografikorako zentroa da, fraideek beren funtsak eta ordenako beste komentu batzuetakoak izan diren guztiak kontserbatzeko egindako ahaleginaren emaitza.

Liburutegia Santutegiaren mendebaldeko aretoan dago, eta interes kultural handiko funts zahar eta modernoak dauden eraikineko hiru solairu hartzen ditu.

Bisita 10:00etan hasiko da eta ordu eta erdiko iraupena izango du. 

• 10:00-10:20: Basilika
• 10:20:10:45: Liburutegia eta artxiboa
• 10:45-11:30: Arantzazun kontserbatzen diren dokumentu bereziak

Gogoan izan bisita profesionalak doakoak direla baina ALDEEko bazkideentzat soilik antolatzen ditugula eta parte hartu ahal izateko aurrez izena eman behar dela.

Ikastaro guztiak
ikusi