Bisita profesionala: Eukadiko Artxibo Historikoa eta EDE Fundazioa

Egina

Helburuak

Bisita profesionalak, Elkartearen prestakuntza jardueren baitan, bazkideei zuzentzen zaizkie. Helburua gure esparru profesionaleko zerbitzu eta jarduera interesgarriak ezagutzea da, egunerokotasunean profesional bakoitzak bere lantokian garatzen dituenaz haraindi.

Programa

10:00-11:15 Euskadiko Artxibo Historikoa
Euskadiko Artxibo Sistema Nazionala (EASN) Euskal Autonomia erkidegoko artxibo-sistema publiko eta pribatuek osatzen duten egitura da, lankidetzan oinarritzen dena. Irargi Kultura Saileko Artxibo Zerbitzuak kudeatzen du.
Bisita honetan EASNeko buru den Euskadiko Artxibo Historikoa barne hartzen duen eraikina ezagutzeko aukera izango dugu, eta, artxibo gaietan dauden planen berri jasoko.

12:30-13:30 EDE Fundazioa - Informazio eta Dokumentazio Zentroa
EDE Fundazioa irabazi asmorik gabeko erakundea da. Bere helburua gizarte-, kultura- eta hezkuntza-garapena sustatzea da, profesional eta boluntarioei zuzenduriko prestakuntza eta orientabide programa, entitate eta esku-hartze egitasmoei zuzenduriko aholkularitza eta laguntza, informazio-, dokumentazio-eta bitartekaritza-zerbitzu eta lan-orientabidearen bidez.
EDE Fundazioak gizarte esku-hartze eta Hirugarren Sektorean espezializatutako Dokumentazio Zentro bat du. Egun, Zentroa Koha Liburutegi Kudeaketa Sistemara migratzen ari dira. Liburutegi zerbitzuetaz gain, informazio eta dokumentazioari lotutako beste zenbait zerbitzu ere eskaintzen dituzte, hala nola, ikerketarako kontsulta eta laguntza zerbitzuak, alerta zerbitzua, informazioaren kudeaketaren inguruan aholkularitza, web edukien kudeaketa, eta bazterketa arriskuan dauden taldeekin esku-hartzea alfabetizazio informazionala eta alfabetizazio digitalari buruzko programen bitartez.

Ikastaro guztiak
ikusi