Bisita profesionala Xenpelar Dokumentazio Zentrora

Programatua

Aurtengo bigarren bisita profesionala Xenpelar Dokumentazio Zentrora (Amasa-Villabona) egingo dugu, maiatzaren 29an 10:00etatik 11:30era. Bisita hau, ohi bezala, ALDEEko bazkideentzat soilik izango da.

Helburuak

Xenpelar Dokumentazio Zentroa Bertsozale Elkarteak 1991n sortutako dokumentazio zentroa da, bertsolaritzaren ondarea bildu, antolatu eta gizarteratuz, maila guztietako ikerkuntza bultzatzeko helburuarekin. Errenterian, Xenpelar bertsolaria hil zen etxean izan zuen lehen kokagunea eta gaur egun Amasa-Villabonan (Gipuzkoan) dauka egoitza.

Bertsolaritzan espezializatutako zentroa da, eta bere ezaugarri nagusietako bat da bilduma elikatzeko duen sistema: alde batetik, Bertsozale Elkartearen proiektuetatik eratorritako materialak jasotzen ditu, eta, bestetik, bertsozaleek, bertso-eskolek, erakundeek eta partikularrek egindako ekarpenak: grabazioak, argazkiak, kartelak, bertso-paperak eta eskuizkribuak, besteak beste. Gaurko bertsolaritzaren bilketa, antolaketa eta gizarteratze sistematikoa egiten du, historikoari ere muzinik egin gabe, eta ikerlari, kazetari, bertso-eskola zein bertsozaleei zerbitzua eskaintzen die.

2011tik aurrera, eduki horiek BDB (Bertsolaritzaren Datu-Basea) atariaren bidez kontsultatu daitezke Interneten, hala bilduma osoa edonorren eskura jarriz.

Bisita goizeko 10:00etatik 11:30era izango da eta bertan egitasmoaren ildo nagusiak eta atalez ataleko xehetasunak bertatik bertara ezagutzeko aukera eskainiko dugu.

Lankidetzak

Ikastaro guztiak
ikusi