Liburutegiak, interakziorako plaza
Programatua
Lan-saio profesionala antolatu dugu irailaren 11rako Medialab Tabakalera eta Koldo Mitxelena Kulturuneko Liburutegiarekin elkarlanean. Bertan, lan komunitarioan eta kultur erakundeen eragiletza sozialean aditua den Oscar Rebollok eskainiko duen hitzaldia entzuteko aukera izango dugu eta, jarraian, ariketa praktiko baten bidez, dagoeneko Euskadiko lurralde guztietara zabaldu den Interakzio Soziala Liburutegietan datu basea aurkeztu eta lantzeko ariketa praktikoa egingo da hura ezagutu, bilatzen dituen helburuak, mekanika edota erabilerak ikusi eta tresna bera baliatzen hasteko.
- Mota
- Jardunaldiak eta Topaketak
- Ikastaroaren datak
- 2026 Iraila 11 - 2026 Iraila 11
- Izena emateko datak
- 2026 Ekaina 1 - 2026 Iraila 5
- Ordutegia
09:30-14:00
- Tokia
Tabakalera
Andre zigarrogileak Plaza, 1
Donostia
- Hizkuntza
- Elebiduna (Eu/Es)
Irakaslea
Oscar Rebollo
Bartzelonako Unibertsitate Autonomoan (UAB) irakaslea eta lan komunitarioan eta kultur erakundeen eragiletza sozialean aditua.
Helburuak
Liburutegiak, ezberdinen arteko topagune irekiak diren heinean, interakzio sozialerako espazioak dira. Berezkoa daukaten izaera horretan sakontzeko hainbat eta hainbat ekimen, jarduera, zerbitzu edota lanlerro landu zein aktibatzen dituzte, askotan beste zenbait eragilerekin elkarlanean, eta, gehienetan, bereziki zaurgarriak diren gizabanako edo giza-taldeak aintzat hartuta. Iraila hasieran Donostiako Tabakaleran burutuko den lan-saio honetan ekimen horiei guztiei behar duten garrantzia eman nahi zaie, egindakoez ikasi eta berriak egin ahal izateko oinarriak jarriz ere.
Liburutegietako profesionalei zuzendutako saioa izanik, aipatutako izaeraz hausnartu ez ezik, horri buruzko esperientziak, metodologiak, ekintza zehatzak, indarguneak edota ahuleziak partekatzeko aukera izango da, izaera hori aberastu eta indartzeko, alegia.
Bide horretan, Gipuzkoako liburutegiek 2025ean sortu eta datozen hilabeteetan Araba zein Bizkaiakoak ere garatzen joango diren Interakzio Soziala Liburutegietan datu basea aurkeztu eta lantzeko ariketa praktikoa egingo da hura ezagutu, bilatzen dituen helburuak, mekanika edota erabilerak ikusi eta tresna bera baliatzen hasteko. Hori izan da saioa antolatzeko aitzakia nagusia, eta hori izango da haren muina.
Honenbestez, lan-saioak bi atal izango ditu: alde teoriko bat lehenengo eta praktikoa izango den bigarren bat ondoren.
Hasierakoak Bartzelonako Unibertsitate Autonomoan (UAB) irakaslea den Oscar Rebolloren parte hartzea izango du ardatz. Lan komunitarioan eta kultur erakundeen eragiletza sozialean aditua da Rebollo eta Bartzelonako Udaleko Ekintza Komunitarioko Zerbitzuaren zuzendaria izandakoa da. Interakzio sozialaren eta hura laguntzeko ekinbideen garrantziaz arituko da egingo duen hitzaldian.
Jarraian, ariketa praktikorako tartea zabalduko da. Behin datu basearen funtziondua-azalduta eta hitzaldian entzundako oharrak barneratuta-, talde dinamika bat abiatuko da proiektuak gehitzeko irizpide, modu zein tresnak erabiltzen ikasteko, bai eta benetako proiektu zehatz batzuekin lan egin eta datu baseak eskaintzen dituen aukerekin esperimentatzeko.
Horren guztiaren azken helburua da oso baliotsua izan daitekeen tresnaren erabilera erraztu eta, batez ere, liburutegietako profesional guztion artean elikatu eta aberasteko ohitura bultzatzea, horrek ekarriko baitio bere potentzialitate osoa garatzeko modua eta horrek egingo baitu benetan erabilgarria. Denon artean egindakoa, denontzako ondarea izan dadin. ALDEEk antolatutako saioa da, Koldo Mitxelena Kulturunea eta Medialab Tabakaleraren laguntzarekin.
Tabakaleran egingo da 2026ko iraliaren 11an, goizeko 9:30etatik 14:30ak arte.