Bisitak profesionalentzako elkargune bihurtzen dira
- Mota
- Gertakariak. Bisitak
- Data
- 2026 Ekaina 9
Urtean bi bisita profesional antolatu ohi ditugu, baina aurten hiru izango dira guztira: Baionako Euskal Museora joan ginen urtarrila hasieran Bernat Etxepareren "Linguae Vasconum Primitiae" liburua ikustera; maiatzean Xenpelar Dokumentaziogunera eta urrian Arantzazuko Santutegiko Liburutegita joango gara.
ASNABI elkarteak proposatuta urtarrilean bisita berezi bat egin genuen bi elkarteetako bazkideei irekia Baionako Euskal Museora, bertan ikusgai zen Bernat Etxepareren "Linguae Vasconum Primitiae" liburuaren ale bakarra bertatik bertara ikustera. Ondoren, maiatzaren amaieran Xenpelar Dokumentazio Zentroa ezagutzeko aukera izan dugu eta urria amaieran Arantzazuko Santutegiko Liburutegira joango gara bertan gordetzen dituzten harribitxiak ezagutzera.
Bisita hauek doakoak izaten dira eta bazkideentzat soilik antolatzen ditugu, uste dugulako gure esparruko egitasmoak bertatik bertara ezagutzea oso aberasgarria dela lanbidearen ikuspegi osoagoa izateko eta profesionalki gure lurraldeetako artxibo, liburutegi eta dokumentazio zentroak ezagutzea ezinbestekoa dela iruditzen zaigulako.