2024an oinarrizko katalogazioari buruzko ikastaroak eskaini ondoren, 2025ean xehetasunetara joan gara eta katalogazio analitikoari buruzko ikastaroa egin dugu Oihane Oliveri adituaren eskutik, Donostiako Haur Liburutegi Nagusian
Bazkideen eskaerei eta beharrei erantzun nahian, aurten katalogazio analitikoari buruzko ikastaroa antolatu du ALDEEk.
Horretarako Oihane Oliverirengana jo dugu. Oliveri Historian doktorea EHUn eta esperientzia profesional handikoa da liburuzain, artxibozain eta dokumentalista moduan. 2009az geroztik liburuzain teknikaria da HABE Liburutegian eta katalogazio analitikoan aditua eta aritua urte askoan.
Goiz bateko ikastaro honetan erregistro analitikoen deskribapen bibliografikoak landu dituzte MARC21 formatuko eremuak baliatuz eta Euskadiko Irakurketa Publikoko Sareko jarraibideetan oinarrituz.