Liburutegiak, interakziorako plaza
2026 Iraila 11 - 2026 Iraila 11 Jardunaldiak eta Topaketak
Programatua
Lan-saio profesionala antolatu dugu irailaren 11rako Medialab Tabakalera eta Koldo Mitxelena Kulturuneko Liburutegiarekin elkarlanean. Bertan, lan komunitarioan eta kultur erakundeen eragiletza sozialean aditua den Oscar Rebollok eskainiko duen hitzaldia entzuteko aukera izango dugu eta, jarraian, ariketa praktiko baten bidez, dagoeneko Euskadiko lurralde guztietara zabaldu den Interakzio Soziala Liburutegietan datu basea aurkeztu eta lantzeko ariketa praktikoa egingo da hura ezagutu, bilatzen dituen helburuak, mekanika edota erabilerak ikusi eta tresna bera baliatzen hasteko.
Koadernaketen zaharberritzea: esku hartzeko irizpideak, metodologiak eta proposamenak
2026 Ekaina 17 - 2026 Ekaina 19 Ikastaroak
Programatua
Koadernaketa historikoaren tipologia zabalak prestakuntza espezializatua eskatzen du, zaharberritzailea materialekin, eraikuntza-sistemekin, bilakaerarekin eta berezitasunarekin ohitzeko. Premia hori are nabarmenagoa da kontuan hartzen bada zaharberritze-eskolek, oro har, prestakuntza espezifiko eskasa eskaintzen dutela arlo horretan. Proposamen honek, beraz, benetako prestakuntza-gabeziari erantzuten dio, eta profesionalak diziplina konplexu eta oso espezializatu batean gaitzeko ezinbesteko aukera eskaintzen du.
Baliabide elektronikoen, bilduma digitalen eta e-liburuen kudeaketa
2026 Ekaina 11 - 2026 Ekaina 12 Ikastaroak
Programatua
Ikastaro honek egungo liburutegietan eduki digitalek duten gero eta garrantzi handiagoari erantzuten dio, eta horiek kudeatzeko gida bat eskaintzen du. Helburua da profesionalak baliabide elektronikoak planifikatzen, hautatzen eta ebaluatzen trebatzea, efizientzia- eta egokitzapen-irizpideen arabera.
Gehiago irakurri: Baliabide elektronikoen, bilduma digitalen eta e-liburuen kudeaketa
ChatGPT liburutegietan: aplikazioak eta erabilera estrategiak
2026 Ekaina 1 - 2026 Ekaina 30 Ikastaroak
Programatua
Adimen artifizial sortzailearen agerpena informazio eta dokumentazio zerbitzuak eraldatzen ari da. Nola funtzionatzen duten, zein testuingurutan diren baliagarriak eta mugak eta arriskuak zein diren jakitea eskatzen du horiek modu eraginkorrean txertatzeak. Ikastaro honek prestakuntza praktiko eta aplikatua eskaintzen du, liburutegietako, artxiboetako eta dokumentazio-zentroetako langileek tresna horiek modu kritiko eta eraginkorrean txertatu ahal izan ditzaten beren eguneroko lanean.
Gehiago irakurri: ChatGPT liburutegietan: aplikazioak eta erabilera estrategiak
Bisita profesionala Xenpelar Dokumentazio Zentrora
2026 Maiatza 29 - 2026 Maiatza 29 Bisita profesionalak
Programatua
Aurtengo bigarren bisita profesionala Xenpelar Dokumentazio Zentrora (Amasa-Villabona) egingo dugu, maiatzaren 29an 10:00etatik 11:30era. Bisita hau, ohi bezala, ALDEEko bazkideentzat soilik izango da.
Gehiago irakurri: Bisita profesionala Xenpelar Dokumentazio Zentrora
Europako identitate digitalaren eredu berria (eIDAS 2 Erregelamendua) eta horrek dokumentuen kudeaketan duen eragina
2026 Apirila 29 - 2026 Apirila 29 Ikastaroak
Egina
eIDAS 2 Erregelamenduak identitate digitalerako Europako esparru berri bat sartzen du, eta haren ardatz nagusia nortasun digitalaren Europako zorroa da (EUDI Wallet). Ikastaro honek eredu berri honek dokumentuak kudeatzeko dakartzan aldaketen ikuspegi argia eta aplikatua ematen du, batez ere sektore publikoan.
Irakurketa Erraza: irakurketa eta ulermena dinamizatzea
2026 Apirila 20 - 2026 Apirila 27 Ikastaroak
Egina
Irakurketa Errazaren (IE) kontzeptua eta erabiltzaileekin lan egiteko moduak ezagutzeko ikastaroa antolatu dugu. IE materialekin irakurketa dinamizatzeko gaitasunak eskuratzea du helburu, bereziki irakurtzeko edota ulertzeko zailtasunak dituzten kolektiboekin dinamizatzeko gaitasunak erdiestea.
Gehiago irakurri: Irakurketa Erraza: irakurketa eta ulermena dinamizatzea
Liburutegi publikoa eta eskola liburutegia: ezinbesteko elkarlana?
2026 Martxoa 13 - 2026 Martxoa 13 Ikastaroak
Egina
Liburutegi publikoa eta eskola-liburutegia aliatu naturalak dira, baina beti ez da posible harreman on bat ezartzea. Bigarren aldiz antolatuko dugun ikastaro honetan, bakoitzaren ezaugarriak eta funtzioak eta egoera aztertuko ditugu, eta haien artean zer konexio-mota ezar ditzakegun aztertuko dugu. Dagoeneko ikastaroan izena emateko aukerarik ez dago aurreko edizioan sortu zen itxaron-zerrendarekin bete direlako leku guztiak.
Gehiago irakurri: Liburutegi publikoa eta eskola liburutegia: ezinbesteko elkarlana?
MARC21 formatuan katalogatzea
2026 Martxoa 4 - 2026 Martxoa 6 Ikastaroak
Egina
Euskadiko Liburutegi Publikoen Sareko liburutegietan ematen diren pertsonal-aldaketek eraginda, etengabe jende berria sartzen ari da Liburutegi Sarean eta gure liburutegietan langileen artean desberdintasun handiak daude formazio-mailan. Egoera hori gainditzen hasteko asmoarekin, aurten, MARC21 formatuan katalogatzeko oinarrizko ikastaroa eskaintzea erabaki dugu Estibalitz Zubiaur adituarekin, Eusko Jaurlaritzako Liburutegi Nagusiko liburuzaina eta Liburutegi Zerbitzuko Katalogazio arduradun ohiarekin.
E-administrazioa eta dokumentuen kudeaketa: teoriatik kasu praktikoetara
2026 Otsaila 6 - 2026 Otsaila 6 Jardunaldiak eta Topaketak
Egina
Herritarrei zerbitzu digitalen bidez arreta ematea administrazio publiko ororen erronka da. Zer leku du dokumentuen kudeaketak administrazio elektroniko eraginkor eta efiziente baten ezarpenean? Jardunaldi honetan, azken hamar urteetan hainbat administraziotan (estatukoak, autonomikoak eta tokikoak) ezarritako konponbideak erakutsiko dira, aurkitutako zailtasunei buruz hausnartuko da eta etorkizunerako jarduera-ildo bat taxutuko da.
Gehiago irakurri: E-administrazioa eta dokumentuen kudeaketa: teoriatik kasu praktikoetara